بلوچی بُنگیجی درونت 22

# *درونت 22* *بلوچی بنگیجی ۔ سیدھاشمی* *اَنت ۔ اِنت ۔ اَت ۔ئے ۔ اِت ۔چے ۔ چی* ۔ *ے ۔ یے ۔ آں ۔ ایں* ️️️ *آ چے یے ؟ آ بَردے۔۔ اے چی یے ؟ اے لوگے ۔۔ آ چے اَنت ؟ آ کتاب اَنت ۔۔ اے چی اَنت ؟ اِے دَپتر اَنت ۔۔ اے کَے اِنت ؟ اے چاکر اِنت۔۔ آ کَے اِنت ؟ آ دلپُلّ اِنت ۔۔ آکَے اَت؟ آ راھی اَت۔۔تو کئے؟ من سوبان آں ۔۔شُما کَے اِت ؟ ما راھی ءُ دِلپُلّ ایں ۔۔ تاس ایش اِنت ۔ پاگ آ اِنت ۔ اے مناں ۔ اے ما ایں* ۔ *من مُریدآں ۔ ما بلوچ ایں* ️️️ *سوج۔ (ا) " چے " ءُ "چی " ھَر دوئینانی کارمرد کنگ راست اِنت* ۔ *بلوچستان ءَ لھتیں جاگہ ءَ " چی " ءَ پہ "چیز" ءِ بزانت ءَ زیر اَنت* ۔ *(ب) " ے " یکّی ءِ "ے" اِنت کہ ھرچ گالی ءِ رندءَ کہ کیت بزاں آ یکّے زانگ بیت ۔ انچوش کہ مردم :مردمے ءُ کتاب : کتابے* *اگاں یک گالے ءِ گُڈّی آب وت پیسرءَ " ی " یا کہ " ے " اِنت گُڑّا اے یکّی ءِ " یے " آ گالءِ رند ءَ جِتا نبیسّگ بیت ءُ ایشی ءِ چیرءَ دو ٹکّ جَنَگ بیت* *انچوش کہ : مَھری :۔ مَھری یے ، نمدی:۔ نمدی یے ، شرّی : شرّی یے* ۔ *" آں ۔ ایں " اے گال گوں وتی پیسری گال ءَ ھور ھم کنگ بیت* *انچوش کہ من مریداں ءُ ما بلوچیں* ۔ *(ت) " تو کئے " ءِ تہءَ بندرءَ گال "کَے ئے " اِنت کہ یکجاہ نبیسّگ بیت* ۔ ️️️ *_وانوک ءُ نبیسوک :مھوش بلوچ_* *_شنگکار :بانکانی زبان ءِ جنز_* t.me/mir6415