منی جاندان اوساندیردی

تبریز امروز:نی جاندان اوساندیردی ، جفادان یار اوسانمازمی؟ فلک لر یاندی آهیمدان ، مرادیم شمعی یانمازمی؟ هامی بیمارینه جانان ، دوای درد ائدر احسان نئچون قیلماز منه درمان ، منی بیمار سانمازمی؟ غمیم پنهان توتاردیم من ، دئدیلر یاره قیل روشن دئسه م او بی وفا بیلمم ، اینانیرمی؟ اینانمازمی؟ شب هیجران یانار جانیم ، توکر قان چشم گیریانیم اویادیر خلقی افغانیم ، قارا بختیم اویانمازمی؟ ....... ....... فضولی رند شئیدادیر ، همیشه خلقه روسوادیر سورون کی بو نه سئودادیر ، بو سئودادان اوسانمازمی؟