بلوچی بُنگیجی درونت 21

# *درونت 21* *بلوچی بنگیجی ۔ سیدھاشمی* *آ* *اِے* *تو* *شُما* *من* *ما* ️️️ *آ کَیت ،آ کایَنت ۔ آ رَوت ، آ رَواَنت ۔ تو بْیا۔ شما بْیا اِت ۔تو سارئے ، شُما گار اِت ۔ مَن واناں ، ما وانیں ۔ اِے زھمے ۔ اِے زَھم اَنت ۔ اِے دُمبال اَنت ۔ آ دُور اَنت ۔ شُما نزّیک اِت ۔ ما بلوچیں ۔ اے راھی اِنت ۔اِے وَرنا اَنت ۔ من رواں ۔ ما رویں* ۔ ️️️ *سوج۔ (ا) " اے " ءِ گال بُندرءُ " ایش " اِنت بلے گپّ ءِ تہ ءَ ھرجاگہ ءَ " اے " گوشگ ءُ نبیسّگ بیت ۔ اگاں کسے ایشی ءَ سرجمی ءَ " ایش " نبشتگ بکنت ھم رَد نہ بیت ۔ بلے ھرجاگھے کہ ایشی ءِ رند ءَ اِنت ، اَنت ، اِت ءُ اَت بیا اَنت ، گڑا ایش نبیسّگ لوٹ اِیت انچوش کہ : " ایش اَنت ، ایش اِنت " اِے جاگہ ءَ " اے " نبیسّگ رَد اِنت* ۔ *(ب) بلوچستان ءَ باز جاگہ ءَ " من رواں " ءِ جاگہ ءَ گُش اَنت " من رَویں ، من رئیں ،من رؤں* " *ھمے رنگ ءَ " ما رویں " ءِ بدل گُش اَنت " ما رَواں ، ما رَؤں ، ما رؤُں ،ما رَیَاں " " آ کاینت " ءِ بدل ءَ باز جاگہ ءَ " آ کا اَنت " گُش اَنت* ۔ ️️️ *_وانوک ءُ نبیسوک :مھوش بلوچ_* *_شنگکار : بانکانی زبان ءِ جنز_*